Mudhaaf-mudhaaf ilaihi (Dhivehi)

-

مُضَاف وَ مُضَاف إِلَيه
މިހާތަނަށް އައިއިރު މި ފިލާވަޅުތަކުގެ ތެރެއިން އަޅުގަނޑުމެން ބަލާލާފައި ވަނީ އިސްމް (ނަންތައް) އަށާއި ފިޢްލް (ކަން) އައެވެ. އެ ފިލާވަޅުތައް ނުބަލާ ހުރި ކިޔުންތެރިން އެހެންނޫނީ އެ ފިލާވަޅުތައް ހަނދާން ނެތިފައިވާ ކިޔުންތެރިން މި ފިލާވަޅާއިގެން ކުރިއަށް ދިޔުމުގެ ކުރިން އިސްމްގެ ފިލާވަޅުތައް ބަލާލުމަށް އެދެމެވެ.

ވޭތުވެދިޔަ ފިލާވަޅުތަކުގައި އަޅުގަނޑުމެން ބަލާލާފައިވާނީ ޢަރަބި ބަހުގައި ތަފާތު ބަސްތައް އަންނަ ގޮތްތަކަށެވެ. މިއަދު އަޅުގަނޑުމެން ފަށަން މިއުޅެނީ ޢަރަބި ބަހުގައި ގެންގުޅޭ އެކި 'ޢިބާރާތް' ތަކަށެވެ. ޢިބާރާތަކީ ޖުމްލައެއްނޫނެވެ. އެއީ އެއްބަހަށްވުރެ ގިނަ ބަހުން ހެދޭ އެއްޗެކެވެ.
މިސާލަކަށް: ދިގު ގަހެއް

ދެ ބަސް ވިޔަސް އެއްވެގެން ދިޔުމުން ޢަރަބި ބަހުގައި އޭތި ޢިބާރާތަކަށް ވެގެން ދެއެވެ. ޢަރަބި ބަހުގައި 5 ވައްތަރެއްގެ ޢިބާރާތްވެއެވެ. މިއަދު އަޅުގަނޑުމެން ބަލާލާނީ އެ ޢިބާރާތްތަކުގެ ތެރެއިން އެއް ވައްތަރަށެވެ. އެއީ 'މުޟާފް-މުޟާފް އިލައިހި' ނަމަކަށް ކިޔޭ ޢިބާރާތެވެ.

އެންމެ ފުރަތަމަ ދިވެހި ބަހުން މުޟާފް-މުޟާފް އިލައިހި ގެ މިސާލުތަކަށް ބަލާލަމާ ހިނގާށެވެ.
ޤިޔާމަތް ދުވަސް
ﷲ ގެ ގެކޮޅު
އަހަރެންގެ ކާރު
ތިބާގެ ގަލަން
ޢައިޝާގެ ނޯޓުފޮތް
މި ހުރިހާ މިސާލަކުން ވެސް އެކައްޗެއް އެއްގޮތަކަށް އެބަ ފެނެއެވެ. އެއީ ދެ ބަހުގެ ދެމެދުގައިވާ 'ގެ' މި ބަހެވެ.
ޤިޔާމަތް ދުވަސް އޮތްއިރު 'ގެ' ނެތަސް އަހަރުމެންނަށް އެ ޢިބާރާތް ޤިޔާމަތު'ގެ' ދުވަހުގެ ގޮތުގައި ވެސް ކީދާނެއެވެ.
އެހެންކަމުން މުޟާފް-މުޟާފް އިލައިހިގެ ޢިބާރާތެއް އަޅުގަނޑުމެން ތަރުޖަމާ ކުރާނަމަ 'ގެ' މި ބަސް އައުން މުހިއްމެވެ.

ހަނދާންކުރަންވީ ބަސްތައް:
'ގެ' ގެ ފަހުން އަންނަ ބަހަކީ މުޟާފް އެވެ.
'ގެ' ގެ ކުރިން އަންނަ ބަހަކީ މުޟާފް އިލައިހިއެވެ.
*ޢަރަބި ބަހުގައި ވާނީ މީގެ އިދިކޮޅަށެވެ. ޢަރަބި ބަހުގައި އަންނަ ޢިބާރާތުގައި އެންމެ ފުރަތަމަ އަންނާނީ މުޟާފް އެވެ. ކުރިއަށް އޮތް ތާނގައި މިސާލުތަކަށް ބަލާލެވޭނެއެވެ. (އިން ޝާ ﷲ)

ތަމްރީން: ތިރީގައިވާ ދިވެހި ޢިބާރާތްތަކުން މުޟާފްއާއި މުޟާފް އިލައިހި ފާހަގަކުރާށެވެ. ފުރަތަމަ އެތި އެ ވަނީ މިސާލެއްގެ ގޮތުން ދެވިފައެވެ.
މުޟާފް އިލައިހި
މުޟާފް
ޢިބާރާތް
ޤިޔާމަތް ('ގެ' ގެ ކުރިން)
ދުވަސް ('ގެ' ގެ ފަހުން)
ޤިޔާމަތުގެ ދުވަސް


ﷲ ގެ ގެކޮޅު


އަހަރެންގެ ކާރު


ތިބާގެ ގަލަން


ޢައިޝާގެ ނޯޓުފޮތް

ދެން މުޟާފް މުޟާފް އިލައިހި ގެ ޢަރަބި މިސާލަކަށް ބަލާލަމާ ހިނގާށެވެ.
كِتَابُ اللَّهِ
ﷲ ގެ ފޮތް
މީގައި ޢަރަބި ބަހުން މުޟާފް އަކީ كِتَابُ އެވެ. އަދި މުޟާފް އިލައިހި އަކީ اللَّهِ މި ބަހެވެ.
ޢަރަބި ބަހުގައި 'ގެ' މި ބަސް ނޯވެއެވެ. ޢަރަބި ބަހުގައި މުޟާފްއާއި މުޟާފް އިލައިހިގެ ދެމެދަށް އެއްވެސް އެއްޗެއް ނާންނާނެއެވެ. ދެން ޢަރަބި ޢިބާރާތެއް ފެނިފައި އެއީ މުޟާފް-މުޟާފް އިލައިހިކަން ދެނެގަންނާނީ ކިހިނެއް ހެއްޔެވެ؟ އެކަމަށްޓަކައި އަޅުގަނޑުމެން ބަލާލަން ޖެހޭނީ އެހެން ނިޝާންތަކަށެވެ.

މުޟާފްގެ 2 ޤަވާޢިދު:
ޢަރަބިން މުޟާފްއަށް އޮންނަ ބަސް ލުއިވާނެއެވެ. (ތަންވީނެއް އެހެންނޫނީ ن އެއް ނޯންނާނެއެވެ. – އިސްމްގެ ފިލާވަޅުތައް ބައްލަވާ)
މުޟާފްގައި ال ނޯންނާނެއެވެ.

މުޟާފް އިލައިހިގެ 1 ޤަވާޢިދު:
މުޟާފް އިލައިހިއަށް އޮންނަ ބަސް އަބަދުވެސް އޮންނާނީ 'ޖަރް' ގެ މަޤާމުގައެވެ. އޭތި ނިމޭނީ އިބިފިލިން އެހެންނޫނީ 'އައިނި' ނުވަތަ 'އީނަ' ގެ އަޑުންނެވެ. (އިސްމްގެ ފިލާވަޅުތައް ބައްލަވާ)

ތިރީގައި މި ވަނީ ވަކި ޢިބާރާތަކީ މުޟާފް-މުޟާފް އިލައިހި ޒާތުގެ ޢިބާރާތެއްތޯ ބެލޭ މިސާލުތަކެވެ.

1.     غَفُوْرٌ رَّحِيمٌ
މިއީ މުޟާފް-މުޟާފް އިލައިހި އަށް ނުވާނެއެވެ. އެހެނީ މުޟާފް ވާން ޖެހޭނީ 'ލުއި' ބަހަކަށެވެ. މި ޢިބާރާތުގައި ލުއި ބަހެއް ނެތެވެ.

2.     يَوْمٍ كَبِيرٍ
މިއީ މުޟާފް-މުޟާފް އިލައިހި އަށް ނުވާނެއެވެ. އެހެނީ މުޟާފް ވާން ޖެހޭނީ 'ލުއި' ބަހަކަށެވެ. މި ޢިބާރާތުގައި ލުއި ބަހެއް ނެތެވެ.

3.     يَوْمِ نَحْسٍ
މިއީ މުޟާފް މުޟާފް އިލައިހި އަށް ވާނެއެވެ. އެހެނީ ދެ ބަސްވެސް މުޟާފް މުޟާފް އިލައިހިގެ ޤަވާޢިދުތަކަށް ފެތެއެވެ.

4.     الْيَوْمِ الْمَوْعُودِ
މިއީ މުޟާފް މުޟާފް އިލައިހި އަށް ނުވާނެއެވެ. އެހެނީ ފުރަތަމަ ބަސް (މުޟާފްއަށް ވާންޖެހޭ ބަހުގައ) ال  އެބައޮތެވެ.
ތަމްރީން: ތިރީގައިވާ ބަސްތަކުން މުޟާފް އާއި މުޟާފް އިލައިހި ދެނެގަނެ އެ ދޭތި ވަކިން ލިޔޭ! ފުރަތަމަ އެތި ވަނީ މިސާލެއްގެ ގޮތުން ހެދިފައެވެ.
މުޟާފް-އިލައިހި
މުޟާފް
ޢިބާރާތް
ލައިލަތުލްޤަދުރި
ވިލޭރޭ
ލައިލަތުލްޤަދުރި ވިލޭރޭ


ﷲ ގެ ރަސޫލާ


ކާއިނާތުގެ ޚާލިޤު


ފޮތުގެ އަހުލުވެރިން


ތިމަންރަސްކަލާނގެ ގެ އާޔަތްތައް


މުދައްރިސްގެ ފޮތް


އެމީހުންގެ އަތްތައް


ތިބާގެ ވެރިރަސްކަލާނގެ


އެކަލާނގެ ގެ އިޒުނަފުޅު


އެމީހުންގެ ނަމާދު

Comments

Post a Comment

Popular posts from this blog

Arabic Pronouns (dhameer)

-
Image
The chart above shows the pronouns of the Arabic language. Below each pronoun is its attached form (in purple). Pronouns can be seen independently or attached to a word. For example هُوَ which means ‘he  or it ’ can be attached to a word like كِتَابُ (which means book). To attach, we should look for the attached form of the pronoun. Attached form of هُوَ is هُ so we can say كِتَابُهُ and this would mean, ‘his book.’ Some pronouns have two attached forms. We choose the attached form for a pronoun depending on the harakah (fili) on the last letter of the word. For example if the word was كِتَابِ it will be very difficult and sounds weird to say كِتَابِهُ so the Arab says كِتَابِهِ and this would also mean ‘his book’. So the second form of an attached pronoun is only used when there is a kasra (ibifili) on the last letter. The pronoun ‘ana’ is an exceptional case. We can change the last harakah of the word to make the word end with an ‘ee’ sound. For example, if th
Read more

Mudhaaf-mudhaaf ilaihi and pronouns (English lesson)

-
Image
Mudhaaf-mudhaaf ilaihi with pronouns Among the lessons related to pronouns, we had looked at the pronouns chart. Below is a picture to help you remember. The ‘attached’ forms are actually nasb or jarr versions of the pronouns. They are called ‘attached’ forms because they are always found attached to a word. Example:    رَسُوْلُهُ If you find هُ   or هِ you must know that it’s the attached form of هُوَ and can only be nasb or jarr status. Exercise 1: Identify and write the attached forms of the given pronouns by looking at the chart. (try and remember the attached forms without looking as much as you can In Sha Allah) Pronoun Attached form   (nasb/jarr version) هُوَ هُمَا هُمْ هِيَ هُنَّ أَنْتَ أَنْتُمَا أَنْتُمْ أَنْتِ أَنْتُنَّ أَنَا
Read more

Harf of Nasb (English + Dhivehi)

-
حَرف نَصب إِنَّ                                   أَنَّ                              كَأَنَّ لَيْتَ                          لاَكِنَّ                  لَعَلَّ These are called Harf of Nasb. Their meanings are as follows: إِنَّ – For sure أَنَّ – that كَأَنَّ – as though لَيْتَ – if only لاَكِنَّ – however لَعَلَّ – so that/hopefully/maybe The word after harf of nasb must be a nasb. (must end with fathha, AANI sound or EENA sound – look up lessons on status) A harf of nasb doesn’t necessarily beat up the word next to it. There may be there words between harf of nasb and the word beaten up. Eg: إِنَّ اللّهَ إِنَّ is the harf nasb. The word اللّهَ is the ismu إِنَّ . Because the word became nasb due to إِنَّ . Eg 2: لاَكِنَّ أَكْثَرَ لاَكِنَّ is harf nasb. أَكْثَرَ is ismu لاَكِنَّ . Exercise: Identify the harf nasb and their isms in the given fragments. إِنَّ الْفُجَّارَ إِنَّ رَبَّكَ أَنَّ عَلَيْهِ الن
Read more